ေအာင္လအန္ဆန္းနဲ႔ထိုးသတ္မယ့္လူ႔ဘီလူးၾကီးဘရန္ဒန္ဗီရာဆိုတာ…

ဂ်ပန္မွာ ေအာင္လအန္ဆန္းနဲ႔ထိုးသတ္ဖို႔ စိန္ေခၚထားတဲ့ ဘရန္ဒန္ဗီရာဆိုတာ လက္ရွိ one championship ရဲ႕ ဟဲဗီးဝိတ္ ခ်န္ပီယံတစ္ေယာက္ပါ။ ဖိလစ္ပိုင္လူမ်ိဳးဖခင္နဲ႔အီတလီမိခင္တို႔ကေမြးဖြားခဲ့တဲ့ ဖိလစ္ပိုင္၊ အီတလီကျပားၾကီး ဗီရာဟာ (၂၀၀၂)ခုႏွစ္ကတည္းက သူ႔ရဲ႕ပေရာ္ဖက္ရွင္နယ္ အားကစားသမားဘဝကိုစတင္ခဲ့သူျဖစ္ျပီး၊ UFC နဲ႔ WEC တို႔မွာလည္း ဝင္ေရာက္ထိုးသတ္ခဲ့ဖူးပါတယ္။

ဒါ့အျပင္(၂၀၀၅) WEC Heavyweight Grand Prix ခ်န္ပီယံဆုကို ရယူႏိုင္ခဲ့ဖူးတာေၾကာင့္ ဗီရာဟာ အေတြ႔အၾကံဳပိုင္းမွာေရာ ပညာပိုင္းမွာပါ လံုးဝေလွ်ာ့တြက္လို႔မရတဲ့ဖိုက္တာတစ္ေယာက္ဆိုတာ ေျပာစရာေတာင္လိုမယ္မထင္ပါဘူး။ ဗီရာဟာ ကိုယ္ခံပညာေပါင္းစံုသံုးျပီးယွဥ္ျပိဳင္ရတဲ့ MMA ျပိဳင္ပြဲမွာ စုစုေပါင္း(၂၄)ပြဲ ထိုးသတ္ခဲ့ျပီး၊ (၁၆)ပြဲအႏိုင္ရထားကာ အဲဒီ့အထဲမွာ အလဲထိုးႏိုင္ပြဲက (၁၁)ပြဲအထိရွိေနတာေၾကာင့္ သူဘယ္ေလာက္ လက္ေစာင္းထက္တယ္ဆိုတာ ျမင္သာေနပါတယ္။

အရပ္အေမာင္းအားျဖင့္ ေအာင္လထက္ (၃)လက္မခန္႔ပိုမိုျမင့္မားတဲ့ ဗီရာဟာ ဒီအခ်က္ကိုပဲ သူ႔ရဲ႕အားသာခ်က္အျဖစ္ အသံုးခ်လာဖြယ္ရွိေနေပမဲ့ အသက္(၄၁)ႏွစ္ရွိျပီျဖစ္လို႔ ဗီရာအတြက္ သက္လံုပိုင္းအရ အကန္႔အသက္ရွိေနျပီး သူ႔ထက္ (၈)ႏွစ္ပိုငယ္တဲ့ ေအာင္လကို တရစပ္တိုက္စစ္ဆင္ထိုးသတ္ဖို႔ဆိုတာ မျဖစ္ႏိုင္ဘဲ တန္ျပန္တိုက္စစ္နဲ႔သာ ထိေရာက္တဲ့ တိုက္ခိုက္မႈေတြကို ျပဳလုပ္လာမွာပါ။

ဗီရာဟာ ေအာင္လအန္ဆန္းလက္ရွိပိုင္ဆိုင္ထားတဲ့ ခ်န္ပီယံခါးပတ္(၂)ခုထဲက လိုက္ဟဲဗီးဝိတ္ခ်န္ပီယံခါးပတ္အတြက္ စိန္ေခၚခဲ့တာျဖစ္ျပီး၊ ေအာင္လကို အႏိုင္ရခဲ့မယ္ဆိုရင္ေတာ့ လိုက္ဟဲဗီးဝိတ္ခ်န္ပီယံအျဖစ္ဗိုလ္ဝင္ခံသြားေတာ့မွာျဖစ္ပါတယ္။ အကယ္လို႔ ေအာင္လကသာအႏိုင္ရသြားမယ္၊ သို႔မဟုတ္ သေရက်ခဲ့မယ္ဆိုရင္ေတာ့ ခ်န္ပီယံခါးပတ္က ေအာင္လ လက္ထဲမွာပဲ ပိုေနျမဲ က်ားေနျမဲ ဆက္ရွိေနမွာျဖစ္ပါတယ္။ ဒီပြဲရဲ႕အရံႈး၊ အႏိုင္ရလဒ္ဟာ ဗီရာလက္ရွိပိုင္ဆိုင္ထားတဲ့ ဟဲဗီးဝိတ္ခ်န္ပီယံခါးပတ္နဲ႔ သက္ဆိုင္ျခင္းေတာ့မရွိပါဘူး။

ေအာင္လကလည္း ဒီပြဲကိုသာႏိုင္လိုက္ရင္ သူ႔ရဲ႕နာမည္ဂုဏ္သတင္းဟာ ကမာၻ႔ဖိုက္တာေတြၾကား ပိုမိုေက်ာ္ေဇာသြားဖို႔ရွိျပီး ဗီရာႏိုင္ခဲ့ရင္လည္း ဟဲဗီးဝိတ္တန္း(၂)ခုရဲ႕ခ်န္ပီယံျဖစ္လာမယ့္ မက္လံုးရွိေနပါတယ္။ ဒါ့အျပင္ (၂)ေယာက္စလံုးက (၅)ခ်ီအထိ အေရာက္ခံမွာမဟုတ္ဘဲ အေမွာက္သိပ္သြားမယ္လို႔ တစ္ေယာက္ကိုတစ္ေယာက္ ၾကိဳတင္သတိေပးထားၾကတာေၾကာင့္ ဒီပြဲကေတာ့ MMA သမိုင္းမွာ ခမ္းနားၾကီးက်ယ္တဲ့ ပြဲၾကီးပြဲေကာင္းတစ္ပြဲျဖစ္လာေတာ့မွာ ေသခ်ာပါတယ္။

လူညိဳေခ်ာ@SportsGabar

Unicode

အောင်လအန်ဆန်းနဲ့ထိုးသတ်မယ့် လူ့ဘီလူးကြီး ဘရန်ဒန်ဗီရာဆိုတာ…

ဂျပန်မှာ အောင်လအန်ဆန်းနဲ့ထိုးသတ်ဖို့ စိန်ခေါ်ထားတဲ့ ဘရန်ဒန်ဗီရာဆိုတာ လက်ရှိ one championship ရဲ့ ဟဲဗီးဝိတ် ချန်ပီယံတစ်ယောက်ပါ။ ဖိလစ်ပိုင်လူမျိုးဖခင်နဲ့အီတလီမိခင်တို့ကမွေးဖွားခဲ့တဲ့ ဖိလစ်ပိုင်၊ အီတလီကပြားကြီး ဗီရာဟာ (၂၀၀၂)ခုနှစ်ကတည်းက သူ့ရဲ့ပရော်ဖက်ရှင်နယ် အားကစားသမားဘဝကိုစတင်ခဲ့သူဖြစ်ပြီး၊ UFC နဲ့ WEC တို့မှာလည်း ဝင်ရောက်ထိုးသတ်ခဲ့ဖူးပါတယ်။

ဒါ့အပြင်(၂၀၀၅) WEC Heavyweight Grand Prix ချန်ပီယံဆုကို ရယူနိုင်ခဲ့ဖူးတာကြောင့် ဗီရာဟာ အတွေ့အကြုံပိုင်းမှာရော ပညာပိုင်းမှာပါ လုံးဝလျှော့တွက်လို့မရတဲ့ဖိုက်တာတစ်ယောက်ဆိုတာ ပြောစရာတောင်လိုမယ်မထင်ပါဘူး။ ဗီရာဟာ ကိုယ်ခံပညာပေါင်းစုံသုံးပြီးယှဉ်ပြိုင်ရတဲ့ MMA ပြိုင်ပွဲမှာ စုစုပေါင်း(၂၄)ပွဲ ထိုးသတ်ခဲ့ပြီး၊ (၁၆)ပွဲအနိုင်ရထားကာ အဲဒီ့အထဲမှာ အလဲထိုးနိုင်ပွဲက (၁၁)ပွဲအထိရှိနေတာကြောင့် သူဘယ်လောက် လက်စောင်းထက်တယ်ဆိုတာ မြင်သာနေပါတယ်။

အရပ်အမောင်းအားဖြင့် အောင်လထက် (၃)လက်မခန့်ပိုမိုမြင့်မားတဲ့ ဗီရာဟာ ဒီအချက်ကိုပဲ သူ့ရဲ့အားသာချက်အဖြစ် အသုံးချလာဖွယ်ရှိနေပေမဲ့ အသက်(၄၁)နှစ်ရှိပြီဖြစ်လို့ ဗီရာအတွက် သက်လုံပိုင်းအရ အကန့်အသက်ရှိနေပြီး သူ့ထက် (၈)နှစ်ပိုငယ်တဲ့ အောင်လကို တရစပ်တိုက်စစ်ဆင်ထိုးသတ်ဖို့ဆိုတာ မဖြစ်နိုင်ဘဲ တန်ပြန်တိုက်စစ်နဲ့သာ ထိရောက်တဲ့ တိုက်ခိုက်မှုတွေကို ပြုလုပ်လာမှာပါ။

ဗီရာဟာ အောင်လအန်ဆန်းလက်ရှိပိုင်ဆိုင်ထားတဲ့ ချန်ပီယံခါးပတ်(၂)ခုထဲက လိုက်ဟဲဗီးဝိတ်ချန်ပီယံခါးပတ်အတွက် စိန်ခေါ်ခဲ့တာဖြစ်ပြီး၊ အောင်လကို အနိုင်ရခဲ့မယ်ဆိုရင်တော့ လိုက်ဟဲဗီးဝိတ်ချန်ပီယံအဖြစ်ဗိုလ်ဝင်ခံသွားတော့မှာဖြစ်ပါတယ်။ အကယ်လို့ အောင်လကသာအနိုင်ရသွားမယ်၊ သို့မဟုတ် သရေကျခဲ့မယ်ဆိုရင်တော့ ချန်ပီယံခါးပတ်က အောင်လ လက်ထဲမှာပဲ ပိုနေမြဲ ကျားနေမြဲ ဆက်ရှိနေမှာဖြစ်ပါတယ်။ ဒီပွဲရဲ့အရှုံး၊ အနိုင်ရလဒ်ဟာ ဗီရာလက်ရှိပိုင်ဆိုင်ထားတဲ့ ဟဲဗီးဝိတ်ချန်ပီယံခါးပတ်နဲ့ သက်ဆိုင်ခြင်းတော့မရှိပါဘူး။

အောင်လကလည်း ဒီပွဲကိုသာနိုင်လိုက်ရင် သူ့ရဲ့နာမည်ဂုဏ်သတင်းဟာ ကမ္ဘာ့ဖိုက်တာတွေကြား ပိုမိုကျော်ဇောသွားဖို့ရှိပြီး ဗီရာနိုင်ခဲ့ရင်လည်း ဟဲဗီးဝိတ်တန်း(၂)ခုရဲ့ချန်ပီယံဖြစ်လာမယ့် မက်လုံးရှိနေပါတယ်။ ဒါ့အပြင် (၂)ယောက်စလုံးက (၅)ချီအထိ အရောက်ခံမှာမဟုတ်ဘဲ အမှောက်သိပ်သွားမယ်လို့ တစ်ယောက်ကိုတစ်ယောက် ကြိုတင်သတိပေးထားကြတာကြောင့် ဒီပွဲကတော့ MMA သမိုင်းမှာ ခမ်းနားကြီးကျယ်တဲ့ ပွဲကြီးပွဲကောင်းတစ်ပွဲဖြစ်လာတော့မှာ သေချာပါတယ်။

လူညိုချော@SportsGabar